Aizawl: Chief Minister Lalduhoma’n nimin khan Chief Minister Discretionary Grant, 2023-24 atangin Mizoram chhunga damdawi in, fahrah enkawlna, rescue centre leh home hrang hrang 90-te hnenah Krismas thilpek Rs 2,41,000 a pe chhuak.
Chief minister-in Krismas thilpek a pek chhuahte hi Aizawl district-ah home, damdawi in, fahrah enkawlna, centre hrang hrang, a vaiin 25 a ni a. Lunglei district-ah 13, Siaha district-ah pasarih, Lawngtlai district-ah paruk, Champhai district-ah pariat, Mamit district-ah paruk, Serchhip district-ah pariat, Kolasib district-ah pakua, Saitual district-ah pahnih, Hnahthial district-ah pathum leh Khawzawl district-ah pathum te hnenah pek an ni.
District hrang hranga chief minister-in Krismas thilpek a pek chhuahte hi district tin bawrhsapte kaltlanga hlan tur a ni.