UEFA Champions League Group C atang knockout stage khel tur an chiang tawh a. Europa League Playoff round khelh inchuhnaah French club RC Lens an hlawhtling.
Lens hian Europa League a record nei tha tak, champion lai ni mek leh vawi sarih champion tawh Sevilla hi Stade Félix Bollaert-Delélis-ah an mikhual a, 2-1 a an chak avangin pathumna an nih phah.
Minute 63-naah Przemyslaw Frankowski chuan Lens tan penalty atangin goal a khung a, hei hi minute 79-naah Sergio Ramos chuan penalty atang thovin a sut.
Sevilla in a chak zawk tlinna tur inkhelah huntawp dawnah goal an bawh na a, mahse huntawp dawn hun pekbelhah Angelo Fulgini in Lens chakna goal a khung.
Inkhel hmasa zawkah Arsenal in an tlin chian tawh avanga team thlak danglam nualin PSV Eindhoven an hmachhawn a, 1-1 in an inhnehtawk.
Tling ve ve tawh inkhelah Gunners tan Eddie Nketiah chuan goal a khung a, hei hi Yorbe Vertessen chuan a sut.