Aizawl: Mizo zirlai pawl (MZP) chuan nimin khan an pisaah kumin atana MZP Pisapui kharna leh MZP hruaitu hlui MLA tling tharte lawmpuina hun an hmang.
MZP-in ah hruaitu hlui MLA tling thar lawmpuina an hlan te hi an president hlui pahnih Lalchhandama Ralte leh Lalmuanpuia Punte leh, Executive Committee Member ni thin Lalrinsanga Ralte te an ni a, thuziak leh tawlhloh puan hlan an ni a, MZP hruaitu hlui MLA te hian thu an sawi bawk a ni.
He hunah hian MZP President H Lalthianghlima chuan thu sawiin, MZP Pisapui chu khar ni mah rih dawn mah se zirlaite leh ram leh hnamin a mamawhna zawnah chuan engtik lai pawhin an che reng dawn tho a, engtik lai pawhin hawn reng theih a a nih thu a sawi a. MZP chu zirlai mangang, puih ngaite puitu nih zel an tum a, ram leh hnam leh Zirlaite innghahna tlak ni zel turin theihtawp an chhuah tih a sawi a; MZP Hruaitu hlui MLA tling tharte a lawmpui thu leh an kal zelna turah duhsakna a hlan a ni.
MZP Pisapui hi kumin atan nimin atang khan khar tan a ni a, kum thar January ni 16-ah hawn leh a ni ang.