Uttar Pradesh-a Lok Sabha inthlanpui lo awm tura BJP paihthlak tuma Bahuman Samaj Party leh Samajwadi Party ten an thawhho tur thu tichian hnu lawkah, he state atanga hla lo tak, Kolkata khawpuiah Mamata Banerjee kaihhruai Trinamool Congress chuan vawiin hian anti-BJP rally a huaihawt ve dawn.
Uttar Pradesh chief minister hlui pahnih, Akhikesh Yadav leh Mayawati ten an state atanga BJP um chhuah tuma hma an lak mek lai hian vawiina TMC-in ‘United Opposition Rally’ tia Brigade Parade Grounds-a vantlang inkhawm an buatsaihah hian heng party pahniha an hotu lawkte pawh an tel dawn tih an puang.
Yadav hi amah ngei a tel dawn a, BSP atang chuan Mamata aiawhin Satish Chandra Mishra a tel dawn a. Congress atang pawhin Mallikarjun Kharge a tel ang.