Dallas Mavericks tan star player Luka Doncic chu che tha viau mahse chak nan a tawk lova. Los Angeles Lakers in 127-110 in an hneh.
Ningani zinga NBA inkhelah hian Doncic-a’n triple-double neiin inhliam avanga match thum a khelh theih loh hnua a inkhel leh hmasak berah point 33, rebound 13 leh assist 10 minute 33 chhungin a hneh a. Tun season-ah triple-double vawi sarih a nei tawh.
Mahse Lakers tan rinrawl Anthony Davis-a’n point score leh defense lamah a thatzia lantir fo tawh mahse ball semtu atan a rintlak sawt hle tih a tilang bawk a. Point 28, rebound 12 leh assist vawi 9 a nei.
Lakers tan hian star player dang LeBron James chuan point 25 score ve bawkin rebound leh assist vawi 8 ve ve a nei a. Game ruk atang vawi li an chakna a ni.