Aizawl : I&PR Jt Director PB Lianthangpuii’n nimin khan Mamit District Information Office a tlawh a, Mamit DIPRO Dr. Saithantluangi Zote-in lo dawngsawngin, thawktute leh thuthar thehdarhtute nen an inkawm.
PB Lianthangpuii chuan Mamit district MJA member te leh DIPRO Office staff-te chu ram leh khawthlang tana theihtawp chhuaha hnathawk tura chahin, thuthar thehdarh kawngah mipui ten an chunga rinna an ngah ngamna ni reng tura an awm a tul thu a sawi.
Mamit DIPRO Staff te chu tlemte, indaihlo tak ni chung pawha theihtawpa hna an thawhna kawngah lawmawm a tih thu a sawi a. “Kan dinhmun leh kan thlen chinah lungawi thiam a tul a, ram leh khawtlang tana theihtawp chhuaha hna thawh hi kan tih tur a ni” a ti.
MJA leh I&PR Department thawhhona tha tak awm reng chu lawmawm a tih thu sawiin, sorkar flagship programme hrang hrang puan zar kawngah pawh MJA te an thawk tha hle niin a sawi bawk.