Ladakh-a Khardung La pass-a nimin tuk khan vur a tawlh thut a, mi 4 chhilh hlumin mi 6 an la tang bawk a, chhanchhuah hna thawh zui mek a nia, lirthei eng emaw zat an tang bawk.
Jammu & Kashmir-ah hian tun hnaiah vur a tla nasa hle a. Met department chuan Ningani khan district 9 — Anantnag, Budgam, Baramulla, Bandipora, Ganderbal, Kargil, Kulgam, Kupwara leh Leh-ah te vur tawlh thut thei a nih avangin inralring tura hriattirna a chhuah a ni.
Thuneitute pawhin vur tawlh mai thei hnaihah awm lo turin mipuite an ti a, khaw awm danin a zir loh avangin inbiakpawh leh inkalpawh a harsa bawk si niin an sawi.
Weather office chuan January 19 leh 23 inkar hian vur a la sur leh dawn tih sawiin hmun him lama zin chhuak turin mipui an hrilh bawk.
Vur thenna khawl (snow clearance machine) 23 an kawl mek a, “Vur hi tla zel mah sela hna hi thawh reng a ni a, hmun kilkhawr deuhte pawh tihfai zung zung zel a ni,” tiin mechanical engineering department-a executive engineer Abdul Rashid Bhat chuan a sawi.