Nigeria kutah Africa Cup of Nations thlengtu Ivory Coast chu an tlawm a. Second half a penalty atanga goal lut hmangin Nigeria 1-0 in an chak.
Ningani zanah Alassane Ouattara Stadium-ah Group A inkhel nghah a ni a. Nigeria captainWilliam Troost-Ekong chuan minute 55-naah inkhel a goal awmchhun a khung.
Europe club liante ngaihven Ivorian defender beiseiawm Ousmane Diomande chuan Victor Osimhen a tihtluk avangin penalty hi a chawi.
African football a team tha nei ram pahnihte inkhelin beisei a pha lova, an inhlauh tawn avangin attacking football khelh a ni lo.
Nigeria in tlarhnungah defender panga an rem a, an huntha neih atang penalty an hlawhchhuak thei chu an chakpui.
Nigeria coach Jose Peseiro chuan, “Ruahmanna tha tak kan siam a, kan team in kan hlenchhuak tha hle. Chak phu zawk kan ni in ka hria.” tiin a team a fak.
Ivorian coach Jean Louis Gasset chuan, “Inkhelah kan thahrui kan hmang thei lova, kan inthlauhna nasa lo mahse Nigeria kha kan pahnih inkarah an tha zawk hlek thin a ni.” tiin a thlirlet ve bawk.
Inkhel dangah Egypt in Ghana tana Mohammed Kudus goal hnih khung chu tum hnih an sut a, 2-2 in an inhnehtawk.