Hun tiam leh bituka show neih loh vanga lungawi lo fan pahnih te chuan Madonna lakah thubuai an siam.
New York khawpuia show neih turah Madonna hi a tlai hle a, darkar hnihzet fan te an hawi hai. Hei vang hian zing hma taka thawh a ngaih phah a, mut kham lo nen an hnathawhna hmuna harsatna neuh neuh an nei zui, tiin a lakah an lungawi lo hle a ni.
Thubuai thehluhah hian fan pahnih Michael Fellows leh Jonathan Hadden te chuan December 13, 2023-a Barclays Center-a show en tumin ticket an lei a, hetah hian zan dar 8:30 ve tih ni mah se, stage-a Madonna a inlan meuh chuan zan dar 10:30 a pel tawh, niin an tarlang.