Juventus in Serie A champion an ni thei tih lantir turin result pawimawh an nei a, Lecce lakah an theihna lantirin second half goal thum khungin 3-0 in an chak.
Pathianni zan Serie A inkhelah Stadio Via del mare ah Juventus in first half-ah goal an khung thei lova. Khung teuh nei mahsela Lecce defender Nikola Krstovic chuan goal line atang a pet chhuak hman.
Second half tan hnu lawkah erawh striker Dusan Vlahovic-a’n minute 59-na leh 68-naah goal a khung a. Tun season-ah league goal 11 a khung tawh.
Massimiliano Allegri chuan, “Football-ah theih loh a awm lo. Kan rilruah hlawhtlinna kan ban pha a ni tih hi kan rin tlat a pawimawh a ni.” tiin an champion theih thu a sawi.