Aizawl : India ram pum huapa Tourism pual Ni – National Tourism Day pualin nimin khan Tourism Department, DMC Swadesh Darshan 2.0, Champhai leh Yuva Tourism Club, Government Champhai College te tangkawp chuan Fa- ina hnatlangpui an kova. Government Champhai College zirlai ten Ch- hangphut Field leh a chhehvel an thianfai.
Sawrkar Laipuia Mi- nistry of Tourism hnuaia Swadesh Darshan 2.0 Scheme kaltlangin Mizorama Tourism la- ma hmalakna turin Ai- zawl leh Champhai te thlan an ni a. He project kalpui chhung hian Champhai District-ah cheng nuai 9000 hm- anga hmalak tum niin, Tlangsam, Zotlang, Kei- lungliah, Vangchhia, Farkawn leh Dungtlang-ah te hmalak tum a ni.
Swadesh Darshan 2.0 hnuaiah hian Tourism pawimawhna leh Environment ti chhe lo zawnga Tourism kalpui zel dan tur inzirtirna leh training program neih chhoh mek zel a ni a. Zirlaite leh tourism kaihhnawih thawktute – hotel leh restaurant neitute leh thawktute, autorickshaw leh taxi khalhtute leh car rental neitute tan training hi neih chhoh zel tum a ni a. Faina leh thianghlimna kawngah pawh hmalak chhoh zel tum niin, Faina hnatlang te neih chhunzawm zel a ni dawn a ni.