Republic Day lawm a nih mek laiin nimin khan Assam-ah chuan hmun li-ah indawt deuh zatin bomb chak lo chi tihpuah a ni a, thi leh hliam an awm lo hlauh.
Improvised explosive device (IED) puanna hmunte hi hi Assam chuan chung lam a ni hlawm a. Additional director general of police (law & order), GP Singh chuan, “Hmun ngaah a puak nia sawi a ni a; mahse, hmun khatah chuan a lo puak lo va. Dibrugarh-a hmun hnih leh Duliajan leh Sonari-ah te a puak a ni,” a ti.
“Heng thil tihpuahte hi IED thawk na tham lo a ni hlawm a, thil tihchhiat emaw, mihring thi leh hliam emaw pawh an awm hriat a ni lo,” a ti a. Puak hmasa ber hi zing dar 8:10 niin a hnuhnung ber hi 8:25 vel a nih thu a sawi bawk.
A puahna nia sawi, Doomdooma-ah hian an kal a, chutiang a awm loh thu Singh hian a sawi bawk.
Heng IED puakah hian dan pawna dah, United Liberation Front of Assam-Independent (ULFA-I) an inrawlh a rinawm hle nia sawi a ni.
Chief Minister Sarbananda Sonowal chuan, “Hmun hrang hranga bomb tihpuahte hi a demawm tak zet a. Ni pawimawh tak hman mekna dawihzep taka firfiaka tihbuai tumna a ni a. Kan sorkar hian kan bawhzui ang a, a titute kan man ang,” a ti.
ULFA-I hian a hmain Republic Day-ah hian bandh an lo puang tawh a, mipuite pawh a lawmnaa kal lo tur leh pawn chhuak lo turin an lo ti tawh a ni.