US politician te chuan tunlaia nasa taka hman lar mek ‘Deepfake’ thlalak leh video te lak indopui puan a, hremna na tak lekkawhna tur Dan thar siam vat tual tiin, Taylor Swift-i thalak lem in view maktaduai tam tak a kochhuah hnu ah phei chuan an ngaithutak zual.
Taylor Swift thalak siam danglam hi X leh Telegram-ah te dah niin, tak tak emaw tia phulpui an tam viau mai.
US palai Joe Morelle chuan heti ang thlalak darh hluai hi ngaimawh tham a tling takzet a ti.
X pawhin an mahni patlaform-ah awm thlalak leh video siam chawp (Deepfake) te paihchhuah runpui leh buaipui thin account te petchhuahna hna an kalpui mup mup mek, tih an puang ve bawk.
Thuchhuah an siamah, “Thil awmdan leh thlen dan uluk taka enfiah a, thlithlai reng a ni a, Dan kalha chetna reng renga rang taka umzui a, paihchhuah vat a nih theih nan tha thlah lovin kan thawk reng a ni,” an ti.
X-in thuchhuah a siam hnu hian an hmalakna hmuh tur a awm chho nghal zut zut a, Taylor Swift thlalak (Deepfake) pakhat phei chu paihchhuah a nih hmain vawi maktaduai 47 chuang an lo view hman nghe nghe.
Tun dinhmunah X-ah hian ‘Taylor Swfit’ tih hming chu zawn fuh theih pawh a ni tawh lova, hemi ruala ‘Taylor Swift AI’ leh ‘TAylor AI’ te pawh zawn theih a ni tawh lo bawk.