Inter Milan in Serie A-ah hmahruaitu dinhmun a kir leh turin pangana a awm Fiorentina an hneh a, 1-0 in inkhel pawimawhah an chak.
Nerazzurri hian kar hmasa a Italian Super Cup-ah a zawna vawi thum an champion hnuah Pathianni zanah Stadio Artemio Franchi an tlawh a. Hmahruaitu ni lailawk Juventus in an inkar tihzauh theihna an hloh avangin remchang an la.
La Viola in minute 11-naah forward M’Bala Nzola hmangin goal khung hmasa mahse offside avanga pawm loh a ni a. Minute thum hnu lekah Inter tan Lautaro Martinez chuan inkhel a goal awmchhun a tauh lut.
Midfielder Hakan Calhanoglu leh Nicolò Barella te chhawr thei lo Inter in ball chang hnem thei lo mahse an inrem ngheh avangin Fiorentina in an tibuai tam lo.
Inter coach Simone Inzaghi chuan, “First half kan kheltha a, kha tah khan inkhel dahtha thei kan ni. Chak mah ila kan beih nasat a ngai hle.” a ti.