NH54 kawngpui laih meka harsatna chungchang sawiho

Serchhip Bawrhsap, Competent Authority for Land Acquisition (CALA) David Lalthantluanga hovin nimin khan VC, NHID- CL hotute leh sawrkar official ten NH54 kawngpui laih meka zangna- dawmna la tawh, in thiat duh lo te chungchang an sawiho a. Tun thla ni 31 ah magistrate kaihhruaiin in thiah ngai te leh kawng siamna dala bungraw dah te senghawi hna thawh ni se, an ti.

Bawrhsap hova thu- tkhawmah hian Chhiahtlang, Khumtung, Baktawng, Chhingchhip, Keitum leh Bungtlang VC te an tel a. Zangnadawmna la ta -wh, an in te thiat tura vawi duailo hriattirna pek tawh te chungchang sawihovin case 20 chuang chhawpchhuah a ni. Complain thehlut thenkhat te koh niin, an harsatna tawh dan te sawifiah tir an ni.

NH54 kawngpui siam hna hi March 31, 2024 ah zawhfel tura tih a nih avangin Central sawrkar atangin nasa taka nawrna a awm tawh niin sawrkar thuchuah chuan a tarlang a. In thiat duh lo leh hnathawktute hna- thawhna dal mi tlem te an la awm niin a tarlang. Heng avang hian hnathawh engemawchen a sukuk lo thei lova. District Administration chuan vawi engemawzat an chung- chang thu a ngaihtuah tawh a, zangnadawmna la tawh te chu eviction order pein, a hmunah kalchilh an ni a, lehkha pawh vawi engemawzat pek an ni tawh.

Assessment tih hm- aih avanga zangnadaw- mna la ngei tur, la ve rih lo te chungchang pawh sawihovin, District Administration chuan zangnadawmna an lak ngei theih nan hma a la dawn a. Amaherawhchu, sum an dawn tur ang dawng kim tawh, mahni in la thiat duh lo te erawh chu an chungah dan angin action lak a ni dawn a ni.

Magistrate te kaihhruaina hnuaiah Team 4 ah inthenin January 31 ah khawl hmangin in thiahsak an ni ang a. An in te thiahsak an nih bakah IPC Section 188 tlawhchhanin heng mite hi thubuai siamsak an ni ang. Hetiang a thlen lohna tur hian District Administration chuan an in te thiat vek turin a hriattir nawn leh a ni.

Leave a Reply

error: Content is protected !!