Aizawl : Mizoram Cooperation Department thu bawhzuiin nimin khan District Co-Operative Developmemt Committee, Saitual District chu an Chairman, Bawrhsap Dr. Lalngura Tlau hovin an thukhawm.
Saitual District Co-Operative Developmemt Committee hian Prima- ry Agrucultural Cre- dit Societies (PACS) kalpui mek leh pawimawh dang te an ngaihtuahho a. PA- CS computerised tura hm- alak mek Khanpui leh Tei- khang te PACS puitlinga dah te, Model by laws an neih chu Mizo tawnga siamthata hman theih mai tura hmalak mek te, M-PACS (Multi Primary Agricultural Credit Societies) hmun 5-a din belh chungchang te an sawiho.
Awareness neih dan tur te, pawisa che vel leh thingtlang te tana pawisa dahthat awlsam zawk nana PACS din belh te, social media ah nasa zawka mipui ten an hriat theih nana tihlar dan ngaihtuah te pawh an thu ngaihtuah zingah a tel a. Sai- tual District-a Co-Opearative society te leh society dangte mumal zawk leh awmze nei zawka enkawl a nih theih nan District Office mamawhna a nasat dan pawh sawichhuah niin, Chairman chuan a rang thei ang bera hmalak a nih tur thu a sawi.
Sawrkar thuchhuahin a tarlan danin PACS hian India rama agriculture sector-ah hmun pawimawh tak a chang a. Hemi hmang hian loneitute hnenah thlai chi, lei tha leh thil dang lei nan an mamawh angin loan pek thin a ni. Heng bakah hian technology thar leh lo neih dan tur chungchang hriattirna an pe bawk. PACS hi sawrkarin agriculture lama hma a sawn nan leh thingtlang retheihna tihziaawmna tura hmalakna a ni.