AIFF Youth League khelh mekah Aizawl FC chuan North East Zone-ah hma an hruai chhunzawm zel.
AFC U-17 hian zirtawpni khan an match thumnaah North East United U-17 an hmachhawn a, goal thun hmasa chungin an chak zo lova, 1-1 in an inhnehtawk.
Vawi hnih chak tawh Aizawl FC hian game tan tirah an khingpuite an nawr na hle a, goal pawh an thun thuai. Mawi tak defender a pal tlang hnuin PC Pazawna chuan minute 18 naah hmahruaina goal a thun.
Hma takah goal thun mah se AFC hi an him rei thei bik lo. North East United tan Danny chuan minute 30-naah mawi zet maiin freekick a pet goal a, an si phurh a sut.
Chawlhlawk hnu lamah goal thun ngei tumin team hnihte an innawr tawn viau naa goal thun belh thei an awm lo. Inkhel hmuhnawm tak chu 1-1 in a tawp a, point khat ve ve an hmu.
AFC U17 te hian February 4, Pathianni chawhma dar 11:00-ah Shillong Lajong FC an hmachhawn zui leh ang.