Photo Electoral Roll Special Summary Revision 2024 neih mek chungchang ah Inri- nni khan Electoral Roll Observer, Secretary, Education Dr Lalzirmawia Chhangte chuan Kolasib tlawhin, election official te nen an thukhawm.
Kolasib DC Conference Hall-a photo electoral roll special sum- mary revision 2024 chungchang thutkhaw- mah hian Electoral Roll Observer chuan Special Summary Revision kal pui meka final electoral roll chu Lok Sabha inthlanpuia hman tur a nih avangin a pawim- awh hle tih a sawi a. MLA Inthlanpui 2023 neih zawh takah electoral roll leh inthlan kalpui dan felfai leh thianghlim tak a awm tih sawiin, tunṭumah pawh electoral roll felfai leh hrisel zawk a awm ngei a beisei thu a sawi a. A hun taka final electoral roll rintlak tak tihchhuah a nih theih nan official-te chu theihtawp chhuah turin a chah.
Electoral Roll Observer hova thutkhawm ah hian Kolasib District Election Officer John LT Sanga chuan Kolasib District chhunga draft electoral roll din- hmun leh special summary revision neih me- ka hmalakna tlangpui a sawifiah a. Electoral Roll Observer chuan Kolasib District-a Special Summary Revision 2024 kalpui meka leh- kha pawimawh enfel ngai te a enfel nghal bawk.
Special Summary Revision, 2024 kalpui mekah hian draft electoral roll chu January 6, 2024 khan tihchhuah niin, Kolasib District-a assembly bial pathum – Tuirial, Kolasib leh Se- rluiah vote nei mipa 30594 leh hmeichhia 32861, an vaiin mi 63455 an awm a. India khua leh tui kum 18 tling chin, January ni 1, 2006 leh a hma lama piang electoral roll-a inziahluh thar, paih, insawn leh siamṭhat duh te tana January ni 22, 2024 thleng hun hawnah dilna 2226 a lut a. February ni 8, 2024-ah final electoral roll chu tarchhuah tura ruahman a ni.