Aizawl : Mizorama Youth Comission Chairman Malsawmzuala Ralte-in Inrinni khan Japan Foundation atanga lo kal Tasei Toyomaru, Director leh a hote Vanapa Hall-ah a kawm a. Japanese tawng zirna lian zawk din theihna tur chungchang an sawiho.
MYC Chairman chuan Japan rama Mizo thalai hnathawk tura kal thei an tam thu leh Japanese culture chu Mizote rilrem zawng tak a nih thu sawiin, Mizo thalaite a tam thei ang ber Japan rama hnathawk tura pui turin a ngen a. Tasei Toyomaru pawhin Mizo thalaite tanpui tura an inpeih thua chhangin, Japanese tawng leh culture zirna din dan tur plan mumal tak siam duna, theihtawpa hma la ho tura thawh dun an rem ti a ni.
He hmalakna tur hi financial year thara tan turin duan ni se, an ti niin sawrkar thuchhuah chuan a tarlang bawk.