Prime Minister Narendra Modi chuan Zirtawpni hian Assam a tlawh dawn tih a chiang ta a, thla hmasaa tlawh a tum khan Citizenship Amendment Act duh lohna leh dona a nasat em avangin tlawh thei lo kha a ni.
Assam-ah hian sorkar laipuiin dan atana a hman tak, khua leh tui nih theihna dan thar duh lohna hi a nasa hle a. Sorkar hian a vawi khat nan sakhuana behchhanin ram mi theihna dan thar a siam hi ram leilung fate tana him lo niin an ngai.
Zirlai pawl eng emaw zat zinga All Assam Students’ Union (AASU) leh North East Students’ Organisation (NESO) te chu a che na zual niin Prime Minister Modi emaw, Home Minister Amit Shah emaw chu hmarchhak an tlawhna apiangah nasa taka duh lohna lo lantir an tum zel a ni.
Modi pawh hian thla hmasa khan Assam hi tlawha Guwahati khawpuia ‘Khelo India Youth Games’ hawng tura ruahman a ni a, CAA duh lohna avang hian a kal ta lo a ni.