Actress Poonam Pandey chu thi anga puan a nih hnu-a nung dama hmuh a nih vangin thubuai siamsak a ni.
‘Cervical cancer’ chungchanga mipui zirtirna kalpuina lama thi ang puanzar a nihnaah hian boruak a kal fuh lo hle. A manager chuan a thih thu hi official takin a puang a, reivak lovah cancer chungchanga awarness neih tumna mai a nih thu amah ngeiin, nung dama a puan leh tak si ah chuan boruak a vaivir dan hi tul ti lo leh tha ti lo an tam hle a, milar tak takte pawhin actress Pandey thil tih hi an dem.
A thih tak tak loh thu a puan atanga darkar tam pawh liam hma in, Mumbai-a Maharashtra Legislative Council member Satyajeet Tambe chuan model ni bawk lakah action na tak la turin Mumbai police a ngen.
Pandey tana luhaina tling bawk turin All Indian Cine Workers Association (AICWA) chuan a lakah hian FIR an thehlut ve bawk.