Senior Chief Medical Officer, Lunglei Dr. LC. Liana hovin nimin khan Lunglei District Level Coordination Committee for National De-Worming Day (NDD) 2024 leh District Level Committee on School Health Program (Ayushman Bharat) an thukhawm.
Member Secretary NDD leh Senior Medical Officer, Lunglei Dr. Lalrinthangi’n NDD chu sawrkar laipui program a nih thu sawiin, kumtin vawihnih hman thin a nih thu a sawi a. A tum ber chu naupang kum 1 atanga 19 inkar te rulhut laka ven a nih thu sawiin, India ramah Mizoram chu NDD pe tha ber a nih thu a sawi.
Committee chuan NDD 2024 chu ni February ni 9, 2024 ah Govt. Garden Primary School, Rahsi Venga hman turin a rel a. Naupang kum 1 atanga kum 19 inkar Govt, Govt. Aided, Private School, Anganwadi Centre, Pre-School, kum 1-5 AWC a inziaklut lo, kum 6-19 School kal lo leh College 1058 a naupang 76,000 te hnenah rulhut hlo 1st round pek tura ruahman a ni.
Dr. Lalrinthangi ch- uan School Health & Wellness Program (Ay- ushman Bharat) chung- chang pawh sawiin, Ministry of Health & Family Welfare leh Ministry of Human Resources Development te hmalakna a nih thu a sawi a. National Level leh NCERT & MoH- FW ten State SCERT leh Health Department te training of trainers tur an chher a, State ah SCERT leh Health Department hmalaknain District DIET te School Teacher te train leh turin training pek an nih thu a sawi.
He training-ah hian Modules 11 a awm a, chu mi chu zirlai Ciricullam telh turin min beisei bawk a ni a ti. Teacher train tawh te chu Health & Wellness Ambassador (HWA) tia koh an ni. HWA te hi School tin atangin mipa leh hmeichhia teacher kum 45 la tling lo te thlan bik an ni.
HWA te hian school-ah naupang an zirtir leh chhawng anga School tinah Health & Wellness Messenger (HWM) 2 (1 mipa leh 1 hmeichhia) te an thlang ang a, module 11 activities an neihpuitu turin School Health Program hnuaiah hian zirtirtu Health & Wellness Ambassadors thlanchhuah te hian an School theuh ah module hrang hrang te hmang hian session zirlai naupang te nen an nei thin tur a ni a. Session an neih zat leh naupang attend zat te Ministry of Health & Family Welfare lamah report zel angaih avangin kan District hmel lan na kawng ah hian kan thawhpui Department nen a tan tlan a ngai a ni a ti.
Lunglei District chhungah School 243 tuam tura ruahman niin, School 151 cover tawhin Health & Wellness Ambassador 256 training pek an ni tawh a, Principal 145 te training pek an ni bawk.