United Liberation Front of Asom hel pawl hruaitu pakhat, Pranamoy Rajguru chuan an pawl hruaitu lu ber, tuna lung ina tang mek, Paresh Baruah chuan sorkar laipui nen remna zawnga inbiak a inpeih niin a sawi.
Rajguru hi nikuma Guwahati-a bomb puaka a mawhphurtu ber nia hriat a ni a, nimin khan NIA Court-a a inlan zawha a kawta thuthar lakhawmtuten an kawmnaah sorkar nena an pawl inbiak chungchang sawi rik awmah engmah thutlukna an la siam lo tih a sawi a, an pawl chuan remna engmah ziahpui an la nei lo va, vantlang pawmpui remna a nih loh chuan ziahpui an tum lo bawk niin a sawi.
“Sorkar laipui leh ULFA-ten inremna tura inbiakna an neih leh neih lohvah mipui tan lo buaina tur a awm lo va, ULFA chuan mipuite thatna tur chauhvin remna hi kan ziak dawn a ni,” a ti.
“Mipuiin an pawma an thlawp chauhvin ULFA hian inremna an ziak ang. Mipuite duhthusam leh beisei hi an tithamral mai mai tur a ni lo va, chutiang a nih chuan kan dem dawn a ni,” tiin ULFA hruaitu chuan a sawi a. ULFA hruaitu tupawh, Arabinda Rajkhowa pawh telin, “Mipuiin an pawmpui inremna chauh an ziak dawn a ni,” a ti.
Rajguru hian an hruaitu zinga pakhat, Paresh Baruah pawh sorkar laipui nena inbiak a inpeih niin a sawi a. Baruah hi tun hnaia remna ziaktute zingah a la tel ve lo va. Baruah hi sorkar laipui an inpeih a nih chuan inbe turin a inring reng tih a sawi.