England manager Gareth Southgate chuan Ajax midfielder thar Jordan Henderson a thlithlai a, Ajax leh PSV Ein-dhoven te inkhel kha a hmunah ulutk takin a en.
England leh Liver-pool player pawimawh ni thin Jordan Henderson hian Liverpool chhuah-sanin Saudi Arabia club Al-Ettifaq a zawm. Khawvela league ropui ber English Premier League chhuahsana sum tamna Saudi Pro League a pan mai hian mak tih a hlawh a, sawisel pawh a tawk nasa. Al-Ettifaq zawm mah se England manager Gareth South-gate chuan ram tan khel turin Henderson hi a ko tho a. Ram tan a inlan leh tum hian England tantute ngeiin an auel hial nghe nghe.
Al-Ettifaq-ah sum tam tak hlawh bawk mah se Hendo hian football-ah a duhkhawp a hmu zo lo. Thla ruk em pawh a tlin hmain chhuah a duh leh nghal a, thlasik bazar inhawn lai khan Netherlands club lian Ajax Amsterdam in an la lut. Dutch Eredivisie hma-hruaitu Ajax a zawm vangin England tan khel zui turin hun tha zawk a nei tura ngaih a ni.
Work permit a hmuh har vangin Ajax tan a inlan hun tur khawtlai zeuh mahse Inrinni zan khan PSV Eindhoven an hmachhawn tumin a inlan ta nge nge a. PSV nen 1-1 a an inhnehtawk tum hian hun pumin a khel a. Three Lions tan vawi 81 khel tawh hi Southgate an’hmunah a thlithlai nghe nghe a. PSV lakah a chetchhiat lem loh vangin England squad-ah hmun a chan chhunzawm a beiseiawm.
Tarlan tawh angin Jordan Henderson hian England tan vawi 81 a khel tawh a, goal thum a thun tawh. A inhliam lo a nih chuan Euro 2024 ah England aiawh tura ngaih a ni.