AZL: Sports Minister Lalnghinglova Hmar chuan nimin zing khan Aizawl West Joint YMA Field, Vaivakawn a tlawh.
Joint YMA Field hi a tal ve hrep tawhna a nih avangin tihchangtlun kawngah a phur hle thu sawiin Lalnghinglova Hmar chuan, “Tunah chutiang khatiang chuan kan ti ang ka ti thei lo va; amaherawh chu, field tihchangtlunna atan theihtawp ka chhuah dawn a ni,” a ti a. “Naktukah Delhi-ah ka zin dawn a, kan zin chhan ber ni lo mah se, he hna thawhna tur hi a theih angin ka rawn dap nghal ang,” tiin a sawi bawk.
Sports minister hi Aizawl West Joint YMA hruaitute, Aizawl West- II ZPM Block hruaitute leh Vaivakawn Local Council ten lo dawngsawngin an tawiawm a ni.