Valparaíso region, Chile-a ram kang chuan chenna in a tichhe chhunzawm zel a, mi za chuang chin hriat lohvin an awm mek bawk.
Mi 120 chuang thi an awm tawh a, chenna in sang tel a kang chhe tawh bawk.
President Gabriel Bobic chuan mi 500 chuang an thihna, February 27, 2010-a lirnghingin a sawi hnuah an ramin chhiatna a tawh nat leh ber tum a nih thu a sawi.
Ram kang khu hi van sang atang pawhin a hmuh theih tih thlalem atanga thlalakah a lang.
Tuipui kam khua, Viña del Mar leh Valparaíso-a nipui chawlh hmanga tuipui atanga thli vawt dawng tura khualzin an kalkhawm vanglai takin kar hmasa atang khan ram hi a kang tan.
Tunah erawh chuan heng khaw pahnih leh an thenawm, Quilpué khuate chu an bulhnai tlang ram kang khuin a bawh khat vek rih thung.
Thli chak tak thawin kang hi a pui tha hle a, mi chengte chuan tlanga an khawsakna hmunte chu minute reilo te chhungin a kang chhe vek hman niin an sawi.
Mi tam tak chu insaseng hman lovin meiin a hual hman hlawm a. Thuneitute chuan mi 123 an thi tawh tih an sawi a, heng zinga mi 33 chauh tute nge an nih an la hre thei thung.
Interior minister chuan an ngaih pawimawh hmasak chu nunna chhan leh kangmei tihmih a nih thu a sawi a. In leh lo chânte hnenah mi tlawmngaiten ei tur leh thawmhnaw an pe khawm bawk.
Thuneitute chuan in 15,000 dawn a kang chhe tawh tih an sawi a. Khaw thenkhat chu a pumin a kang chhia a, kawtthlerah pawh lirthei kang chhia hmuh tur a tam hle.
President Bobic-a chuan Zirtawpni atang khan emergency a lo puang tawh a, zanah curfew puan a ni bawk.
Police leh mi thiamten kangmei chhuah chhan an chhui mek bawk.