AZL: Tlangval U Hranga tih account hmanga Facebook-a a thu post avangin Spa Jongte chu Thawhtanni zan khan Cyber Crime Police-te’n an man.
Thudawn danin, Spa Jongte hian Tlangval U Hranga tih account hmangin Sihhmui thihna thleng chungchang a post a, a thu post-ah hian chutih hunlaia opposition group leader, tuna chief minister ni ta Lalduhoma hming tar lan tel a ni.
He thu post chungchangah hian nikum khan court-ah criminal complaint theh luh a ni a, court-in chhui tura a tih angin Cyber Crime Police-te chuan an chhui a ni. Tlangval U Hranga tih account hmanga thu post tu hi Spa Jongte tih an finfiah.
Thawhlehni zan khan police-te chuan Spa Jongte hi an vengah an man a, he thuziah lai thleng hian an la kawl. Bail tum ni mah se, an bail thei lo.