Hip-hop legend Jay-Z a lungawi thei lova, Grammy award 32 ngawt dawng tawh a nupui Beyonce kuta, ‘Album of the Year’ award a tlulut lo fo chu a vui hle.
Pathianni zana neih zawh tak Grammy-ah ikhan Jay-Z hi chawimawina ropui tak, Dr. Dre Global Impact Award hlan niin, ani pawhin hei hi remchangah chuh in, a lungawi lohna a chhakchhuak.
“He hmeichhia la valai tak tihmualphoa ka duh hauh lo. Mahse, midang zawng aiin Grammy a dawng hnem ber a, ‘Album of the Year’ erawh a la dawng ngai lo.’
“Han ngaihtuah chiang teh u.. in tehna kha a hmantlak lo nge maw ni.. Grammy dawng hnem berin, ‘Album of the Year’ a dawng miah lo. Hei hi awmze nei lo tak a ni. Ka ‘nervous’ tawh hi chuan thudik hi ka sawi leh khauh zel,” tiin Jay-Z hian a sawi.