Nitish Kumar-a’n a chhuahsan hnuah India-a eptu party inzawm khawm, INDIA chuan tun thla chhunga a huhova vantlang inkhawm buatsaih an tum mek.
Mumbai khawpuia huaihawt tumin ruahmanna an kalpui mek a, tun thla tawp lam an tinzawn.
INDIA hi Lok Sabha inthlanpui lo awm turah BJP leh a thuihhruaite paih thlak tumin nikum khan Congress, Samajwadi Party, AAP, DMK leh eptu party eng emaw zatin an din a ni.
Vantlang inkhawm an huaihawt turah hian an hruaitu lawk zinga mi, Rahul Gandhi, Arvind Kejriwal, Mamata Bannerjee, MK Stalin leh Akhilesh Yadav te ho an tel dawn em a la hriat loh.
Thla hmasa khan Bihar Chief Minister Kumar-a hian eptu tangrualte tan pawi tak tiin a tan a thlak a, BJP kaihhruai NDA-ah tel thar lehin an state-ah pawh a kaihhruai thovin saffron party nen hian sorkar an siam thar phah a ni.
INDIA hi West Bengal-a Trinamool Congress pawhin an hlat hret hret nia sawi a ni a, an hotunuin an state-ah chuan tumah thawhpui an tum lo tih a lo sawi tawh.