Aizawl: Mizoram sorkara Mizoram Handloom And Handicrafts Development Corporation Limited (ZOHANDCO) Chairman atana ruat, Lalliansawta chuan nimin khan a pisa luah tanin, Pathian hnena inhlanna hun hman a ni bawk.
ZOHANDCO Chairman thar Lalliansawta chuan thu sawiin, “Engkim hi Pathian remruatah ka ngai a, vawiina ZOHANDCO Chairman atana ruat ka han ni pawh hi Pathianin ka awmna tur taka min ruatsakah ka ngaia, ka lawm em em a ni,” a ti.
ZPM Party President ni bawk, Lalliansawta chuan Mizoram hmasawnna tur hian Industry department hi thuam chak a ngai hle tih sawiin, “Kan rama tualto, raw material kan neih te pawh a process dang ngaihtuah a, hmalakna tur tam tak awmin ka hria a, Entrepreneurship development lamahte pawh theih tawpa hma lain, kan thalaite tana sorkar chhenfakawm tak ni turin hman kan la dawn a ni,” a ti bawk.
He hunah hian Comerce and Industry minister F Rodingliana pawhin thu a sawi a ni.