Chhattisgarh-a Bijapur district-ah nimin khan Maoist hel pawla mi 10 vel thah an ni a, he chanchin buatsaih lai thleng hian ram hnuaiah venhim hnathawktute nen an la inbei zui zel.
He inbeihna hi nimin chawhma dar 11:00 vela intan kha niin venhim hnathawktute hian ram hnuaia Maoist helhovin training an neihna hmun an thawng a ni.
“Bhairamgarh police station huam chhungah a ni a, Maoist hel hi 10 vel thah an ni a, an hmanrua 11 hmuh a ni bawk a. He beihpui hi district reserve guard (DRG) team leh special task force (STF) te thlak a ni,” tiin Chhattisgarh-a director general of police DM Awasthi chuan a sawi.
Inbeihna hi a kal zel avangin hei aia tam pawh hi an thah theih thu a sawi bawk.