NBA a Most Valuable Player ni mek Joel Embiid chu a khup hliam zai a ni a, hliam vangin NBA All-Star game a khel thei dawn lo. All-Star game a khelh theih dawn loh vangin Embiid tan MVP nih nawn leh a beiawm lo nghal.
Embiid khelhna Phila-delphia 76ers hi season kal mekah an khel chhe lo via a, 76.5% chak record an nei mek. Chak record nei tha viau mah se Embiid tel loa an chak record percentage chu 26.7 chauh niin, hei hian team tana MVP ni mek pawimawhna a pholang chiang viau a ngaih a ni.
Embiid hi a khup hliam an zai avang hian a lo berah pawh chawlhkar li tal a chawlhhahdam a ngai dawn a, chuti chen chen chawl chung chuan MVP nih leh ngaihna a awm ta lo a ni.
Embiid hian MVP title humhim turin season kal mekah a tlem berah pawh match 65 tal a khelh tlin a ngai dawn a, a chawlh hun chhung tur nena chhutin MVP title humhim thei tura match khelh a mamawh zat hi a tlin zo dawn ta lo a ni.