Women’s Sport Trust chuan report thar lam an tichhuak a, hmeichhe World Cup final-a England leh Spain inkhel chu hmeichhe infiamnaah TV atanga entu ngah ber a nih thu an tar lang.
Women’s World Cup 2023 final hi August 10, 2023 khan Stadium Australia-ah khelh a ni a. Inkhel hmuhnawm takah Olga Carmona goal thun hmangin Spain in 1-0 in England an hneh a, an champion. England leh Spain te inkhel hi TV atangin mi 46.7 million zetin an en a, TV atanga hmeichhe infiamna entu tam ber record an siam. Hmeichhe infiamnaah TV atanga entu ngah ber ni thin chu hmeichhe world cup 2019 a ni a. 2019 final aia 2023 final entu tam zawkna hi maktaduai khat zet a tling. Football atchilh ram England in final an thleng kha entu an pun hluai chhan pakhat a ni.
Hmeichhe infiamna hian naupang zawk, hmeichhe fans a hip nasa hle a, hei hi industry tan chuan chanchin lawmawm tak a ni.” tiin CEO leh co-founder of Women’s Sports Trust – Tammy Parlour chuan a sawi.