Ram hausa Saudi Arabia chuan Tennis inelna lian tak Six Kings Slam huathawt an tum a. He exhibition-ah hian Tennis star langsar Rafael Nadal leh Novak Djokovic te pawhin tel an tum.
Kings Slam a tel tur hian Grand Slam-a vawi 24 champion tawh Novak Djokovic leh vawi 22 champion tawh Rafael Nadal te bakah Grand Slam-a champion tawh pathum; Carlos Alcaraz, Daniil Medvedev leh Jannik Sinner te pawh tel tura beisei an ni bawk a. Grand Slam-ah la champion lo mah se hmabak nei eng ber pawla ngaih Holger Rune hming sawirik a ni bawk. He inelna tur hi ATP calender-a tel lo ni bawk mah se sum erawh a tam hle ngei dawn.
Thla liam ta maia Saudi Arabian Tennis Federation ambassador thar Rafael Nadal chuan Kings Slam a khel thei tur chu lawmawm a tih thu a sawi a, tha taka inlan a tum thu a sawi tel bawk.