AZL: Lunglei district Horticulture department chuan nimin khan Mausen hmunah Farmers meet an buatsaih a, Horticulture minister Prof Lalnilawma’n a hmanpui.
Minister Prof Nitea chuan lo neitute leh department officer-te inkarah thawk palai a ni dawn tih sawiin, a thawk tha zawk apiang lam a tan tur thute, officer thlahdah tak an hrawn chuan lo neitute lamah tangin a dim dawn lo tih a sawi a, a thawk tha apiang duhsak an ni ang a, party an thliar dawn lo tih a sawi.
Khualzahawm Lunglei N MLA, HPC vice chairman V. Malsawmtluanga pawhin thu sawiin, lo neitu kalkhawmte chu taima taka theih tawp chhuaha hna thawk tura chahin, an tan theih tawp an chhuah zel dawn tih a sawi bawk.
Farmers meet hi B. Lalzarzova, MHS DHO Lunglei chuan kaihruaiin, Lalvenhimi Ralte, BDO, Lunglei RD block chuan RD Dept chuan kut hnathawktute tan an theihtawpin an dept chuan chhawmdawl zel an tum tih thu a sawi a ni.