Paris St-Germain chuan England forward Chloe Kelly chu Manchester City atangin lak an duh a, kum 25 mi hi Europe a hmeichhe player hlawh hnem ber nihtir an huam. (Mail)
Brentford atanga England forward Ivan Toney lak tuma inelnaah Arsenal aiin Manchester United dinhmun a tha zawk. Bees chuan Toney manah hian £80m an chhiar. Hetihlai hian Toney ngaihven ve thintu Chelsea chu Napoli leh Nigeria forward Victor Osimhen lakah an insawrbing tawh zawk tura ngaih a ni. (Teamtalk)
Stamford Bridge-a a hma lam hun chiang lo angin sawi awm thar mah se Argentina midfielder Enzo Fernandez chuan Chelsea chhuahsan tumna a neih loh thu a sawi. (AS – in Spanish)
Manchester United leh England attacking midfielder hlui Jesse Lingard chuan kum hnih daih contract ziak turin FC Seoul zawm a remti a. A contract hi kum khat dang pawh sei theih a ni ang. (Sky Sports News)
Galatasaray chuan Manchester United leh Denmark midfielder Christian Eriksen chu Turkish bazar tawp hmain lak tumna an nei lo va, nipui bazar inhawn hunah lak an tum zawk ang. (ESPN)
Brentford pawhin nipui bazar inhawn hunah Eriksen hi an ngaihven ve dawn bawk. (Metro)
Brighton chuan West Ham hmakhalhin Nordsjaelland winger Ibrahim Osman chu £17m sengin an la thei tep tawh. (Standard)
France forward Karim Benzema chu an manager manager Marcelo Gallardo-a’n amah chauha training tura a tih hnuin Al-Ittihad training na hmun a chhuahsan zui nghal. (Marca – in Spanish)
Game riat chhung ngawt an chak loh zawn hnuin Blackburn Rovers manager Jon Dahl Tomasson chuan Championship club chhuahsan a rilruk. (Mail)