Kum 2015 khan India chu khaw lum rapthlak takin a chim a, mi 2500 velin nunna an chân phah a. Hetiang deuh hi India hmaah a inchhawp leh mek niin Intergovernmental Panel on Climate (IPCC) chuan a sawi.
Tun ang renga khawvel khaw lum dan hi a than zel chuan India hmabak hi a ko lo hle tih an sawi a. Kum 2050-ah chuan khawvel chuan 2 degree Celsius velin khawvel hi tun aiin a lum belh tawh dawn a, hei hi a tuar nasa ber tur chu mihring tamna ram, India a ni a. Gross Domestic Product pawh 2.8% chauh a ni tawh ang a, chuan chuan a mi cheng chanve dawn khawsak phung hi tun aia hniamah a hung dawn niin an sawi lwk bawk.
IPCC-in a zir chianna hi nimin khan an tichhuak a, hei hi December thlaa Poland-a Katowice climate change conference-ah sawiho a ni dawn a, sik leh sa inthlak danglam zel ven nana thawhho dan tur, Paris Agreement pawh sawiho a ni bawk ang.
IPCC chuan an report-ah hian tun ang zela khawvel lum lam hi a thang a nih chuan nakin lawka tuartu tur an tam hle tih an sawi a. A bikin Pakistan leh India chu a tuar nasa zual tur an ni tih n sawi a, he khawlum hian mihringin awlsam taka a kai theih natna hri a tidarh chak dawn niin an sawi a, hei hi thil pawi tak tur a ni.
An sawi zel dan chuan kum 2050-a 2 degree C-a khawvela lum hunah chuan khawpui lian, mihring chen tamnaah an tuarna zual dawn a, thihna a thlen nasa dawn hle niin an ngai a. Khawlum avangin mi an zuaiin hna thawk thei an tam dawn lo va, a thawktu ber mihring thi an tam chuan bawk avangin retheina a pung dawn niin an ngai a ni.