Ram aiawha fehchhuakte’n Eurovision intihsiaknaa hmeichhe deusawhna lam hawi an sa nia puhnaah Spain Prime Minister-i’n a satute thlavang a hauh.
Spain aiawha zai Maria Bas leh Mark Dasous ste hian ‘Zorra’ tih hla an sa, he thumal hi ‘vixen’ tihna ni mah se, ‘bitch’ emaw ‘slut’ anga hman a ni fo bawk.
English tawnga lehlinnaah, “If I go out alone, I’m the slut / If I’m having fun, I’m the sluttiest / When I get what I want – Bitch, bitch / It’s never because I deserve it.” tih a ni a, tawngkam ngaihthlak nuam leh hrehawm takah min tam takin an ngai.
‘Zorra’ hla hian hmeichhia huat ngawih ngawihna leh hmeichhia te’n awr dum leh awrsen an neihna tarlan tumna ngai lah an tam. A nihna takah chuan ‘Zorra’ tia mipa koh a nih chuan ‘rascal’ tihna a ni daih thung.
Hetih lai karah he hla hian Feminist Movement of Madrid te a tithinrim hle a, mipat hmeichhiatna lam hawia hmeichhia te hmuhsitnaah ngaiin nasa takin an dodal mek.