Uttar Pradesh-a Kushinagar leh Saharanpur district-a zu chhe in avanga nunna chân chu mi 19 an tling tawh.
Kushinagar-ah mi pakua thiin Saharanpur district-ah mi 10an thi tawh a, zu hi nimin piaha in an ni hlawm a. He zu chhe in hi eng emaw zat damdawi inah an la awm a, an dinhmun a that vak hlawm loh avangin thi zat hi an pun leh pawh a hlauhawm hle.
He thil thleng avang hian police thuneitu sang 4 chu an hna atangin chawlh lailawktir (suspend) an ni a, an zingah hian station officer leh sub inspector pawh an tel a. Excise inspector leh constable pali suspend an ni bawk.
Chief Minister Yogi Adityanath chuan Principal Secretary Excise chu departmental action leh District Excise Officer-te pawh ni 15 chhunga Excise leh Police ten chhui zui nghal turin a hriattir nghal.
Chief Minister hian District Magistrate-te chu damlo mekte enkawlna tha thei ang ber pe turin a hriattir tawh bawk.
State sorkar hian nunna chânte chu Rs. Nuai hnih theuhva ral an nih tur leh damlo mekte pawh Rs. Nuai 50 theuhva kan an nih dawn tih a puang bawk.