Aizawl: PHD Chamber of Commerce & Industry buatsaiha nimina Guwahati-a 3rd Edition of Momentum North East neihah Chief Minister Lalduhoma’n a kaihhruai sorkarin khuarei daih hmasawnna neih tura hma an lak chhoh tan thu a sawi.
Chief Minister Duha chuan Mizoram sorkar chu infrastructure lamah te, industry lamah te, IT lamah te, education leh health sector lamah te, energy lamah leh skill development lamah te, hmasawnna tur awm apiangah hma la thei leh thiamte tanpui turin a in buatsaih tih a sawi a, lo neitute thlai thar leisaka an tana market nghet tak buatsaih tura hma an lak thute, Mizoram chhunga leilung hausakna awmte hman tangkaina hriate ‘bana kaih’ policy hmangin tanpui an tum thu te, mahnia intodelh ram nih ngei tumin an bei dawn tih a sawi.
Duhoma chuan Mizoramah huang hrang hrangah hmasawn theihna remchang a la tam em em a, hengah te hian mimal enkawl emaw company te pawh; a hlawkna an tel tlan theih nan hmalakna nei turin a sawm tih a sawi a, “Mizoram rawn tlawh ula, resources awm te rawn hmuin, mipuite nunphungte rawn hriain, ram ralmuang leh mawi tak a ni tih mit ngeiin rawn hmu rawh u,” tiin a sawm a ni.
He hunah hian India ram hmun hrang hrang atanga kalkhawm Industry leh Company neituten an hnathawh leh hmalak theihna te presentation an pe a, a tul ang zela inbe chhunzawm turin ruahmanna te an siam a ni.