Prime Minister Narendra Modi chuan India tlawha lo zin, Sri Lanka Prime Minister Mahinda Rajapaksa hnenah Delhi chuan Colombo chu Sri Lanka-a Tamil mite tan intluktlanna, muanna leh zahawmna inang tlang vek a pek ngei a beisei thu a lo hrilh.
Rajapaksa hian India tlawh hian Zirtawpni tlai khan India a lo thleng a. Inrinni khan prime minister nen hian New Delhi-ah an inkawm.
An inkawm zawh, nimina thuthar lakhawmtute an kawmnaah Modi chuan, “Sri Lanka ngialnghehna, himna leh a than duanna tur ringawt hi India-in a duhpui a ni lo va, Indian Ocean chhehvel zawng zawng muanawm taka a awm hi a duh dan a ni,” a ti.
An inbiaknaah hian prime minister pahnih hian thil hrang hrang sawi dunin ram himna tura firfiaka chetna leh firfiakte laka thawhhona chungchang pawh an sawi dun a. Insumdawn tawnna leh investment lama nghet zawka an inthlun theihna turte pawh an sawi dun bawk.
Modi chuan India-in Sri Lanka chu a thawhpui rinawm taka ngaiin hma a sawn zel pawh a beisei thu a sawi a. Muanna leh remna lamah pawh a ngheh zel a beisei tih a sawi bawk.
Modi chuan, “Nikum lama pawisa kan inhmantir khan kan inkungkaihna hi a tinghet zual hle,” a ti a. Ram pahniha sangha mantute chungchanga buaina awm thin pawh sawiin Modi chuan, “Ram hnih hian mihringte inzahsak taka hma la turin thutlukna kan siam,” a ti.
Rajapaksa pawhin Modi-an ‘a hmasaah thenawmte’ tih policy a neih avangin lawm thu a sawi.