Aizawl : All India Regional Rural Bank Employees Association (AlRRBEA)-in State Level Dharna an huaihawt chu Mizoram Rural Bank-a thawkte pawhin lo zawm ve in nimin khan MRB Head Office, MINECO tualah sorkara an thil phutte lantirin an pungkhawm.
All India Regional Rural Bank Employees Association-in lungawilohna an lantir chhan, an thil phut an tarlan te chu ;
- Regional Rural Bank te Sponsor Bank nen inzawm tawh lova National Rural Bank of India (NRBI) din.
- A rang thei bera Promotion Rules ennawn, Recruitment atana post ruak singthum chuang awm hnawhkhah – Cross Selling hna Sponsor Bank atanga thlawn.
- Casual worker dah ngheh.
- Sponsor bank te Service Rules leh Leave Rules hman ang hman ve.
- NIT Award ang chiaha Hlawh kalhmang hman ve, Supreme Court-in thu a chhuah tawh anga, Indian Banking Association (IBA) nena hlawh chungchanga inbiaknaah Regional Rural Bank te telh ve.
- Regional Rural Bank PR 2018 behchhana Pension Parity chungchanga ham- thatna awm zawng zawngte tihhlawhtlin.
- Computer Increment leh Compassionate Appointment Scheme a hmanna tur dik tak leh a hman tan hun dik taka kalpui.
- Gratuity chungchang ah Service Rules-in a sawi anga BP leh DA atanga chhut te an ni a.
Sorkar laipuia, Ministry of Finance chu an thil phut te hi tihhlawhtlinsak turin an phut a ni.