AZL: Zirtawpni tuk khan Assam Chief Minister Himanta Biswa Sarma chuan a chenna inah, Guwahati-a cham mek Mizoram Chief Minister Lalduhoma chu tukthuan a buatsaihsak.
Chief minister pahnihte hian ramri chungchang an sawi dun a, chin fel tuma theihtawpa hmalak dun an rel. Assam state assembly thutkhawm lai a nih avangin an thutkhawm zawh hun remchang hmasaa ramri in-charge Minister Mizorama a rawn tirh tur thu Assam chief minister hian Mizoram chief minister hi a hrilh.
Ramri chungchanga state pahnihte an inbiak chhung chuan a tu ve ve pawhin ramriah buaina siam loh nise an ti bawk.