Manipur khawpui, Imphal-a hmeichhe bazar, Khwairamband Ima Keithel-a thu thin nuhovin Pathiannia Citizenship Amendment Bill duh lohna leh hnukdawk tura an duhna lantir nana kawngpui dangtute chu police-in hnawh kian an tumna lamah innawr buaiin bazara thu thin zinga mi hmeichhia parukin hliam an tuar.
He thil thlengah hian police-te hian mittui tlakna leh pungkhawm hnawh darhna hmanraw dang an hmang a ni.
Manipur-ah hian pawl hrang hrang telna, CAB duh lotu, Manipur Peoples Against Citizenship Amendment Bill (MANPAC) chuan pawl tinte nawrh huaihawt turin a ti a. Bazara thute pawh hian vawiin thleng inhawng lovin kawngpui hi Inrinni atang khan an dang a, lirthei kal a buai phah hle a. Zan lamah pawh kawngpui laiah thuin lirthei engmaha che thei a awm loh nan an tlaivar zak zel a ni.