Inrinni zan khan La Liga hmahruaitu Real Madrid chuan champion tuma an elpui lian Girona an mikhual a. Stantiago Bernabeu-a khel tha tak Real hian si li fai ngawtin an hnuai chiaha awm Girona an sawp a, point ngain hma an hruai fal.
Hmahruaitu nih inchuhna inkhel pawimawh takah hian club lian leh ropui Real Madrid in bul an tan tha viau a, inkhel tan atanga minute rukna lekah goal an thun nghal. Minute ruknaah hian Brazil forward Vinícius Júnior chuan Valverde siamsak atangin hmahruaina goal a thun. Chak tura rinkai zawk leh mualneitu ni bawk Real Madrid in hma taka goal an thun hian inkhel boruak a thlak danglam nghal a, Girona tan chet a harsa zui viau a, season kal mekah mak tih khawpa khel tha Girona hian goal an thun thei lo tluan ta hial bawk.
Girona an buai laiin Los Blanco an khel tha zui viau thung. Borussia Dortmund atanga an lak luh fuh em em Jude Bellingham chuan minute 35-naah an goal hnihna a thun a, an hmahruaina a tizau. Bellingham hian minute 54-naah an goal thumna a thun zui leh bawk. England midfielder Bellingham hian Real Madrid tan a La Liga-a a khelh hmasak 15 atanga goal 14 thunin club record a lo siam tawh a. Cristiano Ronaldo, Alfredo Di Stefano leh Pruden Sanchez record a khum a nih kha. Hei bakah hian Real Madrid player thar zingah champions League-ah vawi li khel a, goal li thun thei hmasa ber a ni bawk. Hei mai hi a la ni lo, La Liga season kal mekah goal 16 thunin topscorer a ni mek bawk a. La Liga midfielder zingah season khata goal thun hnem ber a ni der tawh bawk a, a che tha rem rem hle.
Bellingham-a’n goal hnih a thun zawn hnu hian minute 61-naah Rodrygo chuan Vinicius Junior siamsak atangin an goal lina a thun zui leh a. An elpui lian Girona lakah awlsam taka chakin, point thum hlu tak an hmu ta a ni.
Khawvela football club hlawhtling ber leh hausa ber ni bawk Real Madrid hian khelh 24 atangin point 51 an hmu a, an hnuai chiaha awm Girona lakah point ngain hma an hruai fal mek. Real Madrid elpui lian ber Barcelona chuan point 53 an hmu a, pathumnaah an awm mek.Jr a hneh lo ringawt thung a. Inhnek vawi 20 a hmachhawn tawha a hneh loh awmchhun chu George Kambosos Jr hi a ni.