Rock & Roll Hall of Fame nominees list thar a chhuak ta a, kum dang ang thovin tun tumah hian milar buk rit tak tak an awm leh fur mai.
Zaithiam Mariah Carey, Cher leh boral ta Irish singer Sindead O’Connor te chu inrinni a tihchhuah Rock & Roll Hall of Fame nominess list tharah hian an lang.
Rock star Ozzy Osbourne-a solo zinkawng pawh kuminah hian nemngheh a ni ta a, kum 75 mi hi Black Sabbath band angin a lut tawh.
Kuminah hian nomination 15 atangin sawm te hi a vawikhat nan ballot-ah na lang a; an zingah hian Carey, Cher, Frampton, Kool & the Gang leh Kravitz te an langsar.
Final list hi kumin April chawhnu lamah puanchhuah tur a ni a, ‘ber’ thla chho khian lawmluhna puitham tak kalpui a ni ang.
Rock & Roll Hall of Fame hian ngaihhlut a hlawh in, boruak lian tak a keng tel a, lawmluh mai hi thil awlsam tak a ni lo. ‘Kei ka ni’ inti zaithiam lar tak takte pawh tun thleng hian an la hawi hil reng a, lawmluh an nih ve hun tur tlum te thlirin an thlir thin.
Lawmluh tur thlangchhuaktute pawh mi namai an ni lova, rimawi khawvela artist, music industry member leh historian te thlengin mi sangkhat chuang an awm a, an mahni paltlang hi thil mai a ni lo.
Hei bakah hian fan te pawhin an ‘star’ duh ber hi online kaltlangin an thlang thei a, mahni ngei kalin Cleveland, Ohio-a museum-ah an thleng thei bawk.
Nominees list, 2024
Mary J. Blige
Mariah Carey
Sinead O’Connor
Ozzy Osbourne
Cher
Sade
A Tribe Called Quest
Peter Frampton
Jane’s Addiction
Kool & the Gang
Lenny Kravitz
Oasis
Dave Matthews Band
Eric B. & Rakim
Foreigner