‘King of Pop’ Michael Jakcson-a catalogue zahve lawih chu Sony Music Group-in an lei fel ta a, $Billion 1.2 vel zeta indawrna hi rimawi khawvela a vawikhat thlenna a ni.
Billboard tarlan danin, Sony hian Michael Jackson-a publishing leh master record catalogue hlu em em mai hi an lei fel thei ta chu a ni a, $billion 1.2 leh 1.5 inkar vela sawi ni mah se, an leizat man dik tak hi tun dinhmunah puanzar a la ni lo.
Tuna tarlan $Billion 1.2 ringawt pawh ni lo ni se, zaithiam music hlutna tehna atanga leichhuahna man hlu ber a ni dawn tho thova, hei hian Michael Jackson-a huhang natzia leh ropuizia a takin a nemnghet a tih theih.