Kolasib Di- strict Consultative Co- mmittee (DCC), Distr- ict Level Security Committee (DLSC) leh District Level Review Co- mmittee (DLRC) chu nimin khan an Chairman, Kolasib Bawrhsap John LT Sanga hovin Kolasib DC Conference Hall-ah an ṭhukhawm.
Kolasib Bawrhsap chuan sawrkar hmalak- na hrang hrang hlawh- tlin nan bank lam leh department-te thawhhona ṭha a pawimawh thu a sawi a. Mipui ten bank kaltlanga dil theih scheme leh loan chi hrang hrang an hriat zau theih nan inzirtir tam a pawimawh thu sawiin, financial literacy campaign an neih ṭhin chu uar lehzuala kalpui turin banker-te chu a chah.
Kum 2023 October thla aṭanga December thla (3rd Quarter, 2023-24) chhunga Kolasib District-a bank hrang hrangte hnath- awh thlirletin, hmachhawp an neih leh hma- lak zui dan tur te an sawiho bawk.
Financial inclusion plan hnuaiah Kolasib District-a mi 2000 aia tlem chenna khaw 29 te chu mipuiin bank kaltlanga hamṭhatna hrang hrang an chhawr ve th- eih nan an khuaah bank branch emaw, business correspondent emaw, Indian Postal Payment Bank emaw dah kim a nih thu he thutkhawmah hian report a ni a. Pawisa dah hmasa lo (zero balance)-a account ha- wn theihna, Pradhan Mantri Jan Dhan Yojana (PMJDY) leh social security scheme hrang hrang – Pradhan Mantri Jeevan Jyoti Bima Yojana (PMJJ- BY), Pradhan Mantri Suraksha Bima Yojana (PMSBY) leh Atal Pension Yojana (APY), etc. lama bank hmalak dan te thlirhovin, mipui tam zawkin heng ham- ṭhatnate hi an chhawr theih nan ṭanlak lehzual ni se, an ti.
October – December 2023 inkar chhungin bank hrang hrang kaltlangin mipui hnena sum hman leh enkawl dan inzirtirna (financial literacy campaign) ṭum 19 buatsaih a nih thu tarlan niin, line department-te nena ṭang hovin bank ten financial literacy campaign tam zawk buatsaih turin hma la se, an ti.
Bank-a mipuiin sum an dah luh (deposit) zat za zela bank-in mipuia sum an puktir (credit) zat chhutna, Credit/Deposit Ratio-ah Kolasib District-a bank-te chuan December 2023-ah CD Ratio 67.73% an nei a, December 2022 nen khaikhinin CD Ratio hi 12.06%-in a pung a ni.
Kum 2023-2024 sa- wrkar kum chhunga Ko- lasib District chhunga bank ten loan an pek chhuah dan tur, Annual Credit Plan (ACP) ruahmanah December 2023 thlenga bank-in an pek chhuah tawh zat 50.30% a ni a. Pradhan Mantri Mudra Yojana (PMMY) hnuaiah MU- DRA loan 2,514 (Rs nuai 2,406.06 hu) pek chhuah tawh a ni a; Kisan Credit Card (KCC) hnuaiah kut hna thawk, ran vulh leh sangha khawitute tan loan 4,711 (Rs. nuai 5,774.35 hu) pek chh- uah tawh a ni a; PM- EGP, NRLM leh NU- LM kal tlanga sawrkar sponsor scheme hnuaiah loan 125 (Rs nuai 616.39 hu) pek chhuah tawh a ni a; micro, small & medium enterprise hnuaiah loan 2,356 (Rs nuai 7,173. 98 hu) pek chhuah tawh a ni bawk.
RBI-in Rs 2,000/- note a hnuhkir chung- chang pawh sawhovin, Rs 2,0- 00/- tlang bank-a thleng theih hun chu a tawp tawh thu an sawi a. RBI-in India rama Issue Office 19 a puanahte chuan la thleng theih niin, thleng tur nei chuan dak (post) kaltlangin dilna lehkha nen Issue Office-ah thawn tur a nih thu an sawi.
He ṭhutkhawmah hi- an Lead Bank Office-a Lead District Manager (Kolasib & Mamit) Lalengmawii, Reserve Bank of India (RBI), Aizawl aiawh Ashish Rai, NABARD hnuaia District Development Manager (Kolasib & Mamit) JD Traite te bakah, bank hrang hra- ng leh line department aiawhte an tel a ni.