Arsenal leh Chelsea te chu vawi engemaw zat Athletic Bilbao winger Nico Williams thlithlai zingah an tel a, kum 21 mi Premier League khel turin a tha tawk viau a ngaih a ni. (Fabrizio Romano, via CaughtOffside)
Manchester United, Manchester City leh Chelsea ten Japan international winger Kaoru Mitoma chu Brighton atanga lak tumin an ngaihven hlawm. (Fichajes.net – in Spanish)
Paris St-Germain striker Kylian Mbappe chuan PSG a contract a hman zawh hunah Real Madrid zawm turin inremna an la nei fel thei lo. La Liga hmahruaitu Real Madrid leh Mbappe a nu, a gent ni bawk Fayza Lamari ten indawrna an nei tluang thei rih lo.. (Marca)
Real Madrid manager Carlo Ancelotti chuan khawvela player tha zual paruk an nei sa reng tawh a, Mbappe an mamawh lem lo niin a sawi. (Goal)
Wolves leh Portuguese forward Pedro Neto chu Liverpool leh Arsenal ten an ngaihven mek a, nipui bazar inhawn hunah lak tumin an dawr ngei tura ngaih a ni. (Football Insider)
Bayer Leverkusen sporting director Simon Rolfes chuan an manager Xabi Alonso chu a club hlui Liverpool nen sawi zawm ni bawk mah se an hnenah a cham chhunzawm a ring. (Sport1 – in German)
AC Milan wonderkid Francesco Camarda chuan a professional contract hmasa ber a ziak dawn hnai a. Thla thara kum 16 tling tur Camarda h Manchester City leh Borussia Dortmund ten ngaihven bawk mah se Rossoneri-ah professional conract a ziak zawk dawn. (Calciomercato, via Football Italia)
Bayern Munich in an manager Thomas Tuchel an ban a nih chuan an manager thar ni turin Jose Mourinho a inpeih. (Bild – in German)
Turkey leh Lille midfielder Yusuf Yazici chu European club tam takin an ngaihven a. Kum 27 mi hian nipui bazar inhawn chhungin a contract neih mek a hmang zo dawn a, French club a chhuahsan ngei rin a ni. (Fabrizio Romano)