AZL: Thawhtanni zing khan Aizawl East II bialtu MLA, B Lalchhanzova, FCS&CA, LR&S Minister chuan a bial chhung, Armed Veng huam chhunga lei minin a tihchhiat kawng leh culvert te chu tlawhin fur tlak hmaa siam that a nih theih dan tur te a thawktu PWD hotute leh khawtlang hruaitute a sawipui.
Bialtu MLA B Lalchhanzova chuan leimin, leitawlh leh luikawr avanga a bial chhung mi tam takin an chenna in luahlum thei lova an awm thin leh mi tam takin harsatna an tawk thin chu pawi a tih thu a sawi a, an harsatna sukiang tur hian theihtawp a chhuah zel dawn tih a sawi a. Leimin siam thei tuikawng mumal lo ten harsatna a siam loh nan mipui lam pawh kan fimkhur a tul thu a sawi bawk.
Bialtu MLA hi AMC Ward VIII Corporator Christina Roluahpuii Sailo leh Er Lalrinkima Hnamte, E-in-C PWD, Local Council lam aiawh te leh PWD official ten an tawiawm.